Taljan ta’ 35 sena sofra ġrieħi gravi wara li waqa’ madwar sular waqt li kien qed jagħmel xi xogħol.
L-inċident seħħ għall-ħabta tal-ħamsa u kwart fl-inħawi ta’ Tigne’ Point, tas-Sliema.
Il-Pulizija tad-Distrett marru minnufih fuq il-post bir-raġel li ttieħed immedjatament l-Isptar Mater Dei sabiex jingħata l-kura meħtieġa. L-investigazzjonijiet tal-Pulizija għadhom għaddejjin.
