Rapport: George Cassar
NAXXAR L……………1
ĦAMRUN S…………..4
Naxxar: C. Nicht, Mailson, E. Ndoye, R. Henriques. M. Micallef, D. Bonnici, R. Grech, Matheus, M. Fenech, Y. Messias, D. Belhadj
Ħamrun: Jake Galea, C. Zaccardo, T. Espindola, D. Zerafa, Tiago, T. Caruana (Julian Galea 72’), D. Camilleri, M. Criaco, A. Faria Machado (L. Celotto 91’), L. Micallef (K. Micallef 82’), A. Nilsson
Skorjaw: D. Zerafa 2’ (Ħ), L. Micallef – pen 9’ (Ħ), M. Fenech 11’ (N), A. Nilsson 88’ (Ħ), C. Zaccardo 93’ (Ħ)
Imwissija: Mailson 8’ (N), M. Micallef 14’ (N), A. Faria Machado 26’ (Ħ), R. Grech 31’ (Ħ), Rafael 35’ (N)
Referee: Malcolm Spiteri
Assistenti Referees: Edward Spiteri, Chris Francalanza
Il-Mument Plejer tal-logħba: Lydon Micallef (Ħamrun Spartans)
Attendenza: 320
Żewġ gowls fl-ewwel għaxar minuti u tnejn oħra fl-aħħar ħames minuti taw it-tielet rebħa konsekuttiva lil Ħamrun Spartans. Għal Naxxar din hija daqqa ta’ ħarta għall-għan tagħhom li jevitaw ir-relegazzjoni hekk kif issa huma jinsabu t-tim ta’ qabel tal-aħħar taħt Tarxien Rainbows u St. Andrews.
Ħamrun kellhom bidu tajjeb b’zewġ gowls iżda Naxxar reġgħu daħlu mill-ewwel fil-logħba bil-gowl. Fit-tieni taqsima l-Ħamruniżi rtiraw ftit lura u n-Naxxarin resqu qrib il-gowl tal-parità li iżda baqa’ ma wasalx sakemm l-Ispartans għalqu l-logħba b’żewġ gowls oħra.
Naxxar kienu mingħajr Angus Buhagiar u Daren Falzon li kienu sospiżi u dan kompla jċekken l-iskwadra diġà limitata tal-kowċ Oliver Spiteri li donnu li fuq il-bank tas-sostituti mimli żgħażagħ mingħajr wisq esperjenza ma sabx il-plejers addattati li setgħu jidħlu u jbiddlu l-logħba u fil-fatt temm il-partita bl-istess ħdax-il plejer li bdewha.
L-iskor ma damx wisq 0-0 għax Ħamrun skurjaw wara inqas minn żewġ minuti. Thiago Espindola żamm it-tradizzjoni tajba li għandu mill-free-kicks laterali hekk kif ta ballun perfett lil Daniel ZERAFA li skorja b’daqqa ta’ ras b’saħħitha.
Qrib l-għaxar minuta Mailson deher iwaqqa’ lil Lydon Micallef fil-kaxxa bir-referì Malcolm Spiteri jipponta lejn il-penalty spot. L-istess Lydon MICALLEFskurja l-penalty b’cucchiaio ala Totti li qata’ għal kollox lill-gowlkiper Christoph Nicht.
Naxxar irkupraw minn din il-ħasda doppja kmieni għax żewġ minuti wara skorjaw huma wkoll meta min free-kick ta’ Yuri Messias, iż-żagħżugħ Mark FENECH skurja bir-ras l-ewwel gowl tiegħu fil-Premier.
Naxxar resqu qrib b’xutt ta’ Rafael Henriques li mar għoli u ieħor ta’ Matheus li kien salvat mill-gowlkiper Jake Galea.
Ħamrun issiġillaw ir-rebħa bit-tielet gowl żewġ minuti qabel id-disgħin minuta b’mertu ta’ Arthur Faria Machado li ppersista b’azzjoni max-xellug u ta gowl fuq platt lil Alex NILSSON li skorja faċilment.
Il-Ħamruniżi komplew ikabbru r-rebħa bir-raba’ gowl meta minn kross ta’ Thiago Espindola, Christian ZACCARDO tefa’ fix-xibka b’first-timer ftit sekondi qabel is-suffara finali.
