PEMBROKE A………………0
QORMI ……………………….1
Pembroke: K. Gerada, Z. Grech (L. Grech 65’), A. Hili, N. Grech, M.A. Bonnici, T. Fenech (W. Chircop 46’), I. Misan, D. Priso, M. Mifsud, D. Cachia, O. Bugeja (C. Alves Da Souza 25’)
Qormi: J. Azzopardi, N. Ghio, L. Busuttil, Y. Yankam, C. Vella (B. Grech 87’), J.L. Caetano Da Silva, A. Abela, A. Cassar, D. Vukovic, T. Gusman (C. Matombo 50’), M. Camilleri (I. Zammit 70’)
Referee: Emanuel Grech
B’gowl spettakolari ta’ Tensior Gusman fit-tieni taqsima kien biżżejjed għal Qormi biex jiksbu rebħa oħra u jagħmlu pass ieħor importanti lejn il-promozzjoni lejn il-Kampjonat Premier.
Ma kinitx l-aħjar prestazzjoni tal-liders, iżda l-Qriema għamlu biżżejjed biex jimmeritahom dawn it-tliet punti prezzjużi u li bihom komplew saħħew posthom fil-quċċata tal-klassifika.
L-ewwel taqsima kienet verament kwieta bit-tim ta’ Qormi jkollu ħafna iktar mil-logħob iżda kważi qatt ma kienu perikolużi għajr f’okkażjoni waħda meta fil-25 minuta f’azzjoni konfuża quddiem il-lasta, Tensior Gusman għola fuq kulħadd bid-daqqa ta’ ras tiegħu taħbat mal-mimduda.
Minn naħa tagħhom Pembroke kważi ddefendew tul it-taqsima kollha u mingħajr Mifsud Triganza fl-attakk qatt ma resqu lejn Jamie Azzopardi.
Fit-tieni taqsima Qormi żiedu l-isforzi tagħhom u fil-bidu tat-taqsima resqu qrib b’daqqa ta’ ras ta’ Caetano da Silva fuq kross ta’ Vukovic u minn free-kick tal-istess plejer li mar ftit barra. Fis-56 minuta Qormi fetħu l-iskor bi ġmiel ta’ gowl skorjat minn TENSIOR GUSMAN li b’rovexxjata spettakolari sab ir-rokna tax-xibka.
Wara dan il-gowl Pembroke wettqu reazzjoni iżda d-difiża ta’ Qormi kienet kompatta u Pembroke ftit kellhom opportunitajiet. Fis-77 minuta azzjoni ta’ Matombo li minn mal-linja qassam lejn Iven Zmmit li x-xutt tiegħu ħabat ma’ Borg u b’hekk kien evitat il-periklu.
Minuta mit-tmiem Qormi resqu qrib li jiskorjaw it-tieni gowl tagħhom meta Caetano Da Silva ra d-daqqa ta’ ras tiegħu taħbat ma’ sieq il-lasta.
Żejtun jaċċertaw fit-tieni taqsima
ŻEJTUN ………………….. 3
MELITA …………………..0
Żejtun: D. Zarb, C. Giordemaina, N. Tabone, S. Nanapere, G. Sultana, B. Farrugia, J. Sato, O. Elhussieny, A. Smeir, J. Galea, Y. Camilleri.
Melita: N. Grima, R. Parrado, J. Abela, A. Mizzi, J.P. Attard, N. Bradshaw, M. Russo, L. Micallef, T. Singleton, L. Hammet, M. Galea.
Referee: Stefan Pace
Bi tliet gowls fit-tieni taqsima Żejtun għelbu lil Melita biex komplew joħolqu pressjoni fut it-timijiet ta’ fuq u jkomplu jittamaw fil-promozzjoni. Għal Melita din it-telfa tkompli tikkomplika l-ħajja tagħhom hekk kif issa l-ispettru tar-relegation dejjem qed joqrob fuqhom.
Melita żammew sod sal-ewwel taqsima fejn b’mod organizzat u dixxiplinat xejnu xi ftit mis-superjorità evidenti tal-avversarji. Fil-fatt Żejtun minkejja li kellhom iktar superjorità territorjali, ftit inkwetaw lill-gowlkiper ta’ Melita Grima.
Fit-tieni taqsima Żejtun dehru iktar determinati u aggressivi u marru fil-vantaġġ fit-53 minuta fejn JUNKY SATO ikkonkluda għal ġewwa minn qagħda tajba wara azzjoni tajba ta’ Sultana.
Melita ftit wettqu reazzjoni u deher li l-pjan tagħhom kien biss li jikkontrollaw lill-avversarji, biex għaxar minuti wara Żejtun irduppjaw meta l-eks captain ta’ Rabat ADAM SMEIR xeħet għal ġewwa mill-viċin.
Il-logħba issa kienet għal kollox f’idejn iż-Żwieten li komplew jattakkaw u joħolqu wkoll ċansijiet ta’ skor. Fit-82 minuta daqqa ta’ ħarta għal Melita li kellhom lil Julian Abela mkeċċi wara li dan intwera t-tieni karta safra.
Tliet minuti wara Żejtun għalqu l-logħba bit-tielet gowl, fejn reġa’ kien ADAM SMEIR li għeleb lil Grima mill-viċin.
