Anzjan ta’ 82 sena qed isofri minn ġrieħi gravi wara li kien involut f’inċident tat-traffiku
L-inċident seħħ Dalgħodu, għall-ħabta 6:30, fi Triq id-Dawr, il-Mosta. Jirriżulta li l-anzjan residenti l-Mosta stess, ntlaqat minn vettura tat-tip Isuzu NM li kienet qiegħda tinstaq minn raġel ta’ 32 sena li joqogħod ir-Rabat.
L-anzjan ittieħed l-Isptar Mater Dei permezz ta’ ambulanza u iktar tard ġie ċċertifikat li qiegħed isofri minn ġrieħi ta’ natura gravi.
L-investigazzjoni tal-Pulizija dwar dan l-inċident għadha għaddejja.
