VALLETTA VIDEOSLOTS….4
NEPTUNES LEO VEGAS…..6
(0-3), (2-0), (2-2), (0-1)
Il-Kampjonat Premier infetaħ b’logħba missielta b’Neptunes Leo Vegas joħorġu rebbieħa fuq Valletta Videoslots. Id-differenza bejn iż-żewġ timijiet spiċċat biex kienet l-ewwel sessjoni, b’Neptunes joħorġu aħjar mill-avversarji fejn ukoll irnexxielhom imorru 3-0 minn fuq.
Valletta kellhom diversi uċuħ ġodda fit-tim filwaqt li Neptunes prattikament żammew l-istess tim għajr it-tluq ta’ Timmy Agius proprju ma’ Valletta. Neptunes kienu dixxiplinati fid-difiża, b’Valletta jkollhom biss tliet man-ups li fihom ma skorjawx filwaqt li t-tim ta’ Jovan Popovic skorja terz tal-man-ups li kellhom.
Bidu pożittiv minn Neptunes li rebħu l-ewwel sessjoni 3-0 b’doppjetta ta’ Jordan Camilleri u gowl ta’ Niki Lanzon biex bnew vantaġġ tajjeb. Valletta kienu aktar propożittivi fit-tieni sessjoni u rnexxielhom jiskorjaw darbtejn minn Ryan Mock u Michele Mifsud filwaqt li kienu aktar kompatti fid-difiża.
Il-partita wara l-mistrieħ kienet aktar bilanċjata, b’Valletta jirnexxielhom għal mument iġibu d-draw, b’Michele Mifsud u James Spiteri Staines iwieġbu għal gowl ta’ Gabriel Pace. Iżda Jordan Camilleri skorja minn pożizzjoni ċentrali lejn it-tmiem biex ħalla lil Neptunes gowl minn fuq qabel l-aħħar sessjoni.
Penalty tan-numru tmienja ta’ Neptunes fil-bidu tal-aħħar sessjoni poġġa lil Neptunes 6-4, liema vantaġġ żammewh sat-tmiem hekk kif Valletta naqsu li jieħdu l-ftit okkażjonijiet tajba li kellhom biex jibqgħu fil-logħba.
Valletta: R. Sciortino, J. Spiteri Staines (1), N. Farrugia, M. Mifsud (2), T. Agius, R. Mock (1), D. Paolella, N. Bonello Ghio, D. Saliba, A. Agius, K. Galea, L. Gialanze, R. Bonnici
Neptunes: A. Borg Cole, N. Lanzon (1), K. Erdogan, G. Pace (1), M. Martellacci, J. Culic, N. Zammit, J. Camilleri (4), M. Cutajar, M. Zammit, J. Muscat, M. Azzopardi, F. Buhagiar
Referees: Massimo Angileri, Peter Balzan
KAMPJONAT TAL-EWWEL DIVIŻJONI
OTTERS NIVEA………………….1
BIRŻEBBUĠA FREEPORT…12
(0-4), (0-2), (1-3), (0-3)
Birżebbuġa Freeport bdew il-Kampjonat tal-Ewwel Diviżjoni bl-aħjar mod possibbli b’rebħa faċli fuq Otters Nivea. Ir-rebħa kienet dehret li se tmur għat-tim ta’ Anthony Farrugia mill-fażi inizjali, hekk kif iddettaw il-logħba, bi plejers aktar ta’ esperjenza mill-avversarji li bihom setgħu jsibu aktar l-ispazji.
Doppjetti ta’ Simon Vassallo u Matthew Tabone fetħu distakk ta’ erba’ gowls fl-ewwel sessjoni, liema distakk kompla jikber, b’Otters li kellhom biss 11-il plejer fit-tim jsibuha diffiċli biex ikunu ta’ periklu serju.
L-uniku gowl ta’ Otters wasal minn Joseph Teuma wara li Birżebbuġa kienu marru 9-0 fil-vantaġġ, b’kontroll f’kull sessjoni għat-tim tan-Nofsinhar ta’ Malta biex bdew jikkonfermaw il-potenzjal li għandhom biex jisfidaw għar-rebħ tal-Kampjonat.
Otters: K. Schembri, M. Camilleri, A. Magri, D. Dimech, J. Teuma (1), C. Bugeja, K. Scicluna, S. Dimech, A. Mifsud, E. Gravina, G. Mizzi
Birżebbuġa: D. Abela, M. Borg, N. Cassar, D. Pace Lupi (2), M. Tabone (2), J. Rizzo Naudi, S. Vassallo (3), D. Cutajar (3), S. Micallef (1), G. Farrugia, K. Rizzo Naudi (1), R. Spiteri, D. Spiteri
Referees: Ronnie Spiteri, Alex De Raffaele
Logħob li jmiss
Kampjonat Premier
Għada
San Ġiljan v Exiles 4.15pm
Sliema v Sirens 5.30pm
Kampjonat I Div
Għada
Ta’ Xbiex v Marsaskala 3.00pm
