Raġel spiċċa arrestat u ieħor ndarab wara argument bejn żewġt irġiel fil-Għargħur.
L-argument seħħ għall-ħabta tas-6.30 tal-bieraħ filgħaxija fi Triq Stiefnu Zerafa. L-argument seħħ bejn raġel ta’ nazzjonalità Maltija u raġel mir-Repubblika Ċeka.
Għalkemm skont informazzjoni tal-Pulizija, l-argument “ma kienx kbir”, il-Malti kellu jintbagħat ġo ċentru tas-saħħa biex jingħata l-attenzjoni medika.
Sadanittant, ir-raġel mir-Repubblika Ċeka u li għandu 48 sena, kien arrestat mill-Pulizija.
Dan hekk kif fuq il-post marru kemm Pulizija tad-Distrett kif ukoll mill-Pulizija mit-taqsima tar-Rapid Intervention Unit.
