Keane Cutajar
HIBERNIANS…………………7
LIJA A…………………………..0
Hibernians: A. Hogg, T. Tabone Desira (D. Buckle 73’), D. Vella (D. Xuereb 64’), M. Kruzriegler, R. Gomes, J. Lima (C. Zammit 46’), R. Soares, J. Degabriele, J. Pereira, J. Mbong, A. Oliveira Neto
Lija: L. Bonnici, D. Agius (C. G. Celis 60’), L. Muscat, D. Scerri, P. Babic, A. Sammut, McA. Clinch, E. Beu, K. Hirose, G. Borg (A. Borg 71’), R. Sammut (R. Kooh Sohna 64’)
Imwissija: McA. Clinch 66’ (L)
Skorjaw: J. Degabriele 2’, 31’, 68’, 70’, A. Oliveira Neto 15’, 73’, R. Gomes 59’ (H)
Referee: Trustin Farrugia Cann
Assistenti Referees: Duncan Caruana, Jurgen Spiteri
In-Nazzjon Plejer tal-Logħba: Jurgen Degabriele (Hibernians)
Attendenza: 325
Lija Athletic ġew uffiċjalment relagati mill-Kampjonat Premier wara telfa ta’ 7-0 kontra Hibernians, f’partita ddominata għal kollox mit-tim ta’ Raħal Ġdid. Din kienet rispettivament l-akbar telfa u l-ikbar rebħa ta’ dan l-istaġun.
Xi ħaġa li ta’ minn jinnota kienet id-deċiżjoni li ħadu Mario Muscat u Neil Zarb Cousin li wrew fiduċja sħiħa fiż-żgħażagħ ta’ Hibernians, b’Jurgen Degabriele jiġi mogħti l-faxxa ta’ captain, f’tim li fuq il-bankina kellu età medja ta’ dsatax-il sena, forsi xi ħaġa li rari rajniha fil-klan ta’ Hibernains matul dan l-istaġun.
Fost dawn daħlu jilagħbu Connor Zammit, David Xuereb u Daniel Buckle. Tajjeb ukoll li jissemma li l-kowċ ta’ Lija Athletic, Joseph Galea għażel li jibda b’Gabriel Borg fl-attakk, plejer li għad għandu 18-il sena.
Hibernians marru minn fuq bl-ewwel azzjoni tal-partita wara biss żewġ minuti meta l-captain tal-ġurnata, Jurgen DEGABRIELE tefa’ wara Luke Bonnici. Fil-50 minuta Degabriele żmarka lil Oliveira Neto iżda kellu t-tentattiv tiegħu salvat minn Bonnici.
Arlindo Oliveira Neto seta’ għamilhom tnejn fil-ħdax-il minuta iżda tawwal wisq il-ballun meta ġie wiċċ imb wiċċ waħdu mal-gowlkiper ta’ Lija biex spiċċa ma laħaqx biex jitfa’ f’lasta vojta. Iżda għaddew biss erba minuti u li ma għamilx fl-azzjoni ta’ qabel għamlu f’din għaliex kien OLIVEIRA NETO stess li xeħet fix-xibka it-tieni gowl ta’ Raħal Ġdid.
Fil-31 minuta Hibenrians għaqdu t-tripletta b’azzjoni maħduma tajjeb ħafna bejn Joseph Mbong u Jurgen Degabriele li bdiet minn mal-limiti ta’ nofs il-grawnd u wara li ħabtu l-ballun ma’ xulxin, Mbong daħal tajjeb fil-kaxxa qabel għadda lejn DEGABRIELE li tefa’ ġewwa għat-tieni gowl personali.
Minuta wara, Degabriele kompla jibbrilla u daħal tajjeb fil-kaxxa qabel għadda lejn Martin Kreuzriegler li għamel l-impossibbli u tefa’ barra minn flok f’lasta vojta.
Hibernians komplew ikabbru l-iskor fid-59 minuta meta kien Rui GOMES li tefa’ bir-ras fir-rokna tax-xibka wara korner mix-xellug. Jurgen DEGABRIELE għamel spazju għalih innifsu u għaqqad il-hat-trick fit-68 minuta wara li Mbong daħal tajjeb mix-xellug.
Żball difensiv ta’ Lija Athletic żewġ minuti wara, wassal għal gowl ieħor f’isem Jurgen DEGABRIELE, bl-eħfef gowl li għamel fi-partita, ir-raba’ tiegħu u s-sitt tal-partita.
OLEVEIRA NETO kompla jkabbar l-iskor meta dar ma’ Luke Bonnici fit-73 minuta għas-seba gowl tagħhom u t-tieni personali tiegħu. Hibs komplew ifittxu aktar gowls u ħames minuti wara kien il-gowlkiper ta’ Lija li dawwar f’korner biex caħħadhom milli jagħmlu dan.
