L-aħħar Northen White Rhino maskili fid-dinja miet wara numru ta’ ġimgħat li saħħtu bdiet sejra lura.
Il-konservatorju li kien qiegħed isegwi s-saħħa tar-rinoċeronte fi stqarrija qalu li miet minħabba l-eta tiegħu. Ir-rinoċeronte bl-isem ta’ Sudan kellu 45 sena, u kellu jitraqqad ilbieraħ fil-Konservatorju Ol Pejeta fit-Tramuntana tal-kapitali tal-Kenja, Nairobi.
Sudan kellu jitraqqad minħabba li l-kundizzjoni tiegħu gravat għall-aħħar wara li ma kienx kapaċi jżomm fuq saqajh – u anke kien qiegħed ibati.
Madanakollu, riċerkaturi rnexxielhom iżommu materjal ġenetiku, bit-tama li jkunu jistgħu jirriproduċu din l-ispeċi ta’ rinoċeronte mal-aħħar żewġ rinoċeronti nisa li fadal.
Fl-aħħar snin tiegħu, Sudan kien tilef ħafna mis-saħħa li kellu – tant li ma kienx f’pożizzjoni fiżika tajba biex ikun jista’ jirriproduċi b’mod naturali minħabba nuqqas ta’ saħħa f’saqajh. Bint ir-rinoċeronte bl-isem ta’ Najin li għandha 28 sena għadha fiċ-ċans li tirriproduċi, iżda għandha saqajha ta’ wara bi problemi fiżiċi u wkoll għandha problemi biex tirriproduċi b’mod naturali. Ukoll għad fadal ħajja in-neputija tiegħu, bl-isem ta’ Fatu u li għadha żgħira fl-eta.
Sudan kien sar popolari meta d-dating app Tinder kienu tellgħu profil tiegħu bħala ‘l-aktar ġuvni eliġibbli fid-dinja’, bit-tir li jiġbru fondi biex isalvaw din l-ispeċi ta’ rinoċeronte.
It is with great sadness that Ol Pejeta Conservancy and the Dvůr Králové Zoo announce that Sudan, the world’s last male northern white rhino, age 45, died at Ol Pejeta Conservancy in Kenya on March 19th, 2018 (yesterday). #SudanForever #TheLoneBachelorGone #Only2Left pic.twitter.com/1ncvmjZTy1
— Ol Pejeta (@OlPejeta) March 20, 2018
