Kelba li kienet ilha marbuta għal żmien twil, instabet muġugħha bl-intestin tagħha ħiereġ u b’għonqa misluh minn kullar li kien marbut b’qafla.
L-Assoċjazzjoni għall-Annimali Abbandunati tefgħet ritratti fuq il-paġna tagħha ta’ Facebook, fejn iddeskriviet ix-xena li nstabet fih il-kelba. Qalu li l-kelba kellha selħa mad-dawra ta’ għonqa minħabba li kienet ilha marbuta għal żmien twil, dan waqt li kellha mijiet ta’ briegħed mal-ġisem irqiq tagħha.
In-nies li salvawa ddeskrivew kif malli sabu lill-kelba, tant kienet qegħda f’uġigħ li kull ma setgħet tagħmel hu li tintefa mal-art biex ikunu jistgħu ibusuha. Bħalissa l-kelba qed tirkupra wara operazzjoni li saret fl-intern, u saru wkoll testijiet tad-demm.
Din il-kelba issa ngħatat l-isem ta’ Perla.
L-Assoċjazzjoni AAA għamlet appell, biex issir illegali li klieb jitħallew marbutin, u jieqaf l-abbuż fuq dawn il-klieb li jiksbu ħajjithom mal-mument li tinqata’ l-qafla li jkunu marbutin biha.
Ara r-ritratti tal-istat tal-kelba, b’uħud minnhom ikunu grafiċi:
