Ġimgħa ilu, proprju wara li Roma għaddew għall-fażi tal-aħħar tmienja taċ-Champions League, il-midfielder Radja Nainggolan ġie ippremjat mir-Roma Club Malta bħala l-aqwa plejer għall-istaġun 2016-17.
Il-kontinġent Malti li kien Ruma kien wieħed numeruż u mmexxi mill-President ta’ Roma Club Malta Ray Sant.
Il-Maltin, minbarra li taw il-premju lil Nainggolan assistew anke għal sessjoni ta’ taħriġ ta’ Roma, sessjoni li fiha ħa sehem anke l-plejer Malti li qed jilgħab mal-klabb tal-belt kapitali Taljana, Conor Borg.
