Eku tal-iskandlu tal-Panama Papers u l-protesta ta' Marzu 2016
Illum fil-Qorti kellu jkompli l-każ ta’ libell li fetaħ Keith Schembri, iċ-Chief of Staff ta’ Muscat, fil-konfront tal-eks Kap tal-PN Simon Busuttil.
Iżda Schembri innifsu naqas milli jidher quddiem il-Qorti. L-avukati taċ-Chief of Staff infurmaw lill-Maġistrat Francesco Depasquale “ma setax jattendi” għas-seduta.
Fuq Twitter, Busuttil qal iċ-Chief of Staff ta’ Muscat ma marx iwieġeb domandi diretti dwar l-iskandlu tal-Panama.
“Minn xiex qed jibża’ Keith Schembri”, saqsa Simon Busuttil.
Dan ifisser li issa l-kontro-eżami li kellu jsir illum ġie pospost għax-xahar id-dieħel.
L-avukati Pawlu Lia, Edward Gatt u Mark Vassallo qed jidhru għal Schembri.
Simon Busuttil hu assistit mill-avukat Peter Fenech.
