Lewis Hamilton spiċċa t-tieni sessjoni ta’ provi liberi fil-quċċata b’distakk minimu fuq Max Verstappen tar-Red Bull. Fl-ewwel sessjoni l-Mercedes dehru li se jiġru bis-sessjonijiet fl-Awstralja, iżda fit-tieni sessjoni Red Bull u l-Ferrari dehru aktar qrib il-Mercedes u għalhekk mistenni li fi tmiem il-ġimgħa jkun taqtigħa bejn tliet timijiet.
F’sessjoni oħra, Valtteri Bottas spiċċa 0.228 ta’ sekonda wara sieħbu tal-istess tim, filwaqt li kompatrijott Kimi Raikkonen kien viċin tiegħu. Is-sorpriża negattiva tal-ġurnata kien Sebastian Vettel li spiċċa fil-ħames post wara li kellu ritmu tajjeb fil-pre-season. Romain Grosjean spiċċa fis-sitt post għal Haas, b’sieħbu Kevin Magnussen jidħol fid-disa’ post, f’ġurnata pożittiva għat-tim Amerikan.
Daniel Ricciardo spiċċa s-seba’ għal Red Bull filwaqt li McLaren kellhom sessjoni li tagħmel kuraġġ, b’Fernando Alonso u Stoffel Vandoorne jispiċċaw fit-tmien u l-għaxar post rispettivament. Lance Stroll kellu jabbanduna ċ-ċirkwit wara problemi tekniċi u spiċċa fl-14-il post.
Kif spiċċaw it-tieni sessjoni
1. Lewis Hamilton 1:23.931
2. Max Verstappen +0.127
3. Valtteri Bottas +0.228
4. Kimi Raikkonen +0.283
5. Sebastian Vettel +0.520
6. Romain Grosjean +0.717
7. Daniel Ricciardo +0.790
8. Fernando Alonso +1.269
9. Kevin Magnussen +1.315
10. Stoffel Vandoorne +1.354
11. Carlos Sainz +1.459
12. Sergio Perez +1.482
13. Nico Hulkenberg +1.532
14. Lance Stroll +1.612
15. Esteban Ocon +1.957
16. Brendon Hartley +1.994
17. Pierre Gasly +2.014
18. Sergey Sirotkin +2.043
19. Marcus Ericsson +2.883
20. Charles Leclerc +2.884
