S'issa l-ebda qbil dwar min se jmexxi l-Gvern il-ġdid
Maria Elisabetta Alberti Casellati saret l-ewwel mara fl-istorja tal-Italja li qed tmexxi s-Senat. Dan wara li fl-aħħar sigħat intlaħaq qbil dwar l-isem ta’ Casellati.
Hi ġejja mill-partit Forza Italia ta’ Silvio Berlusconi, u allura tifforma parti mill-koalizzjoni tal-Lemin li rebħet l-elezzjoni fl-Italja.
Minn naħa l-oħra, il-President tal-Kamra tar-Rappreżentanti se jkun deputat li ġeji mill-Movimento 5 Stelle ta’ Di Maio.
Roberto Fico se jkun qiegħed imexxi l-Parlament Taljan bħala Speaker – kariga importanti ħafna fl-isfond tar-riżultat li tat l-aħħar elezzjoni.
