Jiżżanżan ukoll ambone tal-irħam ġdid fuq il-presbiterju
Ġimgħa festi għall-Karmelitani Beltin bdiet bl-inawgurazzjoni uffiċjali tal-pavimentar tal-irħam tal-Bażilika tal-Madonna tal-Karmnu fil-Belt Valletta lbieraħ filgħaxija.
Il-programm beda b’quddiesa kantata fil-Knisja tal-Madonna tal-Pilar u kienet segwita minn purċissjoni lejn is-Santwarju mmexxija mill-Provinċjal tal-Ordni Karmelitan, Patri Alexander Vella O.Carm fejn hemm sar il-ftuħ uffiċċjali tal-bieb il-kbir tal-Bażilika u kxif ta’ rħama komemorattiva. Wara saret l-inawgurazzjoni tal-ambone l-ġdid.
Ix-xogħol, li sewa man-nofs miljun ewro, sar fuq disinn tal-Kavallier Joseph D’amato, l-istess artist li ħadem l-iskultura tal-Bażilika fil-ġebel, u nħadem mid-ditta Cooperattiva Lago di Marsini di Carrara tal-Italja.
