Idawwar inċident f'messaġġ pożittiv dwar l-immigrazzjoni
Illejla fuq Net Television se jkun mistieden il-Vlogger popolari Nuseir Yassin, li bħalissa jinsab għal ftit ġranet f’pajjiżna.
Nuseir ġie mistieden fil-programm NET LIVE għal intervista li se tkun l-ewwel waħda ma’ stazzjon tat-televiżjoni lokali.
Iż-żagħżugħ Iżraeljan hu meqjus sensazzjoni fid-dinja tal-media soċjali, partikolarment fuq Facebook. Dan jagħmlu permezz tal-videos li jpoġġi kuljum fuq is-sit tiegħu Nas Daily u fuq Facebook.
Il-video li tefa’ dalgħodu diġa’ qabeż il-miljun persuna li rawh. F’dan il-video u jitkellem dwar il-mod li bih ġie aggredit verbalment meta kien f’ħanut f’Malta, u jwassal messaġġ pożittiv favur l-integrazzjoni u favur l-aspetti pożittivi tal-immigrazzjoni.
