Chelsea komplew jitilfu aktar punti meta fi Stamford Bridge spiċċaw fi draw ta’ 1-1 kontra West Ham. Chelsea kienu marru fil-vantaġġ fis-36 minuta bid-difensur Cesar Azpilicueta jmattar saqajh biex għeleb lil Joe Hart mill-viċin.
West Ham ġabu d-draw fit-73 minuta meta kien l-attakkant Javier Hernandez li żmarkat għeleb lil Thibaut Courtois b’konklużjoni minn qagħda ideali.
Arsenal jinsabu tliet punti taħt Southampton wara rebħa ta’ 3-2. Shane Long poġġa lil Southampton fil-vantaġġ fis-17-il minuta meta ħa vantaġġ minn żball fid-difiża. Arsenal dawru l-iskor l-ewwel b’gowl ta’ Pierre-Emerick Aubameyang, biex fit-38 minuta Danny Welbeck skorja l-gowl tal-vantaġġ b’xutt imxellef.
Charlie Austin ġab id-draw fit-73 minuta meta kompla għal ġewwa wara azzjoni tajba ta’ Cedric. Danny Welbeck skorja l-gowl tar-rebħa, għaxar minuti mit-tmiem meta skorja b’daqqa ta’ ras minn angolu ristrett.
