Lokali

Żagħżugħ arrestat wara sejba droga fil-Belt

Żagħżugħ mill-Belt Valletta ġie arrestat wara operazzjoni konġunta bejn il-Pulizija tal-Belt u l-Iskwadra ta’ Kontra d-Droga. L-arrest seħħ is-Sibt hekk kif wara tfittxija li saret fir-residenza tas-suspettat ta’ 18-il sena fejn instabu sustanzi f’ammonti żgħar ta’ dawk li huma suspettati li huma kokaina u eroina kif ukoll ammont konsiderevoli ta’ droga suspettata kannabis.

Bil-każ ġie infurmat il-Maġistrat tal-Għassa li ħatar numru ta’ esperti bil-għan li jassistuh fl-inkjesta.

Iż-żagħżugħ mistenni jitressaq b’arrest il-Qorti aktar illum.