Yulia Skripal ittieħdet f'post sigur
Yulia Skripal, it-tfajla li ġiet avvelenata flimkien ma’ missierha Sergei, ġiet rilaxxata mill-isptar f’Salisbury.
Yulia, li għandha 33 sena, hi t-tifla tal-eks spija Russu Sergei Skripal. Sorsi qed jgħidu li hi ttieħdet f’post sigriet biex tkun f’sigurta’ stretta.
Hi kienet ilha fis-Salisbury District Hospital mill-4 ta’ Marzu li għadda.
Missierha Sergei, li għandu 66 sena, għadu rikoverat l-isptar iżda l-kundizzjoni qed titjieb rapidament.
