Il-Kummissarju tad-Dixxiplina tal-MFA ssospenda sitt plejers u żewġ uffiċjali wara l-partiti ta’ tmiem il-ġimgħa. Milos Lepovic ta’ Balzan, Mislav Andelkovic ta’ Birkirkara, Zachary Brincat ta’ Mosta u Joseph Farrugia ta’ St. Andrews ġew sospiżi logħba kull wieħed. Daren Falzon u Omar Borg ġew sospiżi żewġ logħbiet u erba’ logħbiet rispettivament.
Milos Lepovic se jitlef il-logħba ta’ Balzan kontra Senglea Athletic, Joseph Farrugia u Mislav Andelkovic se jitilfu l-logħba bejn St. Andrews u Birkirkara filwaqt li Zachary Brincat, Daren Falzon u Omar Borg se jitilfu d-derby bejn Mosta u Naxxar Lions.
Sospiżi wkoll hemm id-Direttur Tekniku ta’ Birkirkara Michael Valenzia kif ukoll l-uffiċjal ta’ Naxxar Lions Simon Camilleri kien sospiż għaxar logħbiet.
