SIRENS GREENTUBE………6
VALLETTA VIDEOSLOTS….2
(0-1), (3-1), (3-0), (0-0)
Sirens Greentube irkupraw minn bidu kajman biex għelbu lit-tim tal-qiegħ Valletta Videoslots 6-2. Huma komplew il-kampjonat pożittiv tagħhom fejn tilfu biss kontra l-leaders San Ġiljan u jonqoshom biss punt biex jaċċertaw mit-tieni post li jfisser li jevitaw il-play-offs preliminari.
It-tim minn San Pawl il-Baħar tħabat ftit aktar milli mistenni, b’Valletta joffru reżistenza fl-ewwel parti tal-logħba. Iżda meta Sirens ħadu l-vantaġġ ma kellhomx problemi biex jirbħu l-konfront.
Valletta bdew tajjeb, rebħu l-ewwel sessjoni b’gowl uniku ta’ Ryan Mock u għalqu tajjeb fid-difiża. Sirens tjiebu fit-tieni sessjoni u meritatament temmew is-sessjoni minn fuq. Marc Grech u Paul Privitera dawru l-iskor, James Spiteri Staines ġab id-draw, iżda Edward Aquilina għamel l-iskor 3-2.
Sirens ħarġu aktar determinati fit-tielet sessjoni u minbarra li sabu x-xibka, irnexxielhom irażżnu lill-avversarji, b’Valletta isibuha diffiċli biex joħolqu l-ispazju neċessarju u jkunu perikolużi biżżejjed għal-lasta ta’ Nicky Grixti. Penalty ta’ Clint Mercieca u doppjetta ta’ John Brownrigg assigurat ir-rebħa għat-tim ta’ Sasko Popovski.
L-aħħar sessjoni kienet pjuttost formalità, b’Sirens jibqgħu jżommu l-kontroll tal-logħba. Valletta pruvaw jidħlu fil-logħba iżda fallew diversi okkażjonijiet fl-attakk.
Sirens: N. Grixti, J. Zerafa Gregory, E. Aquilina (1), P. Privitera (1), M. Grech (1), A. Camenzuli, C. Mercieca (1), J. Ciantar, J. Brownrigg (2), C. Zammit, L. Caruana, L. Falzon, O. Gauci
Valletta: R. Sciortino, J. Spiteri Staines (1), N. Farrugia, M. Mifsud, T. Agius, R. Mock (1), D. Saliba, N. Bonello Ghio, A. Mifsud, A. Agius, K. Galea, M. Lanzon, R. Bonnici
Referees: Alex De Raffaele, Stefan Licari
TA’ XBIEX AMIGOS………14
OTTERS NIVEA…………….8
(4-2), (6-2), (2-2), (2-2)
Ta’ Xbiex kisbu t-tieni rebħa fil-kampjonat u inċidentalment ukoll fuq Otters Nivea b’distakk ta’ sitt gowls. Otters urew titjib mill-konfront tal-ewwel rawnd li kienu tilfu 14-4 iżda żammew ir-ritmu mal-avversarji għal madwar sessjoni u nofs, biex minn hemm il-logħba kienet bla storja.
Otters kienu marru minn fuq darbtejn fl-ewwel sessjoni b’gowls ta’ Andrew Magri, iżda wara li Ta’ Xbiex dawru l-iskor, qatt ma kienu minn taħt u rnexxielhom imorru 6-2 minn fuq sat-tieni sessjoni. Otters reġgħu daħlu fil-logħba b’żewġ gowls konsekuttivi, iżda Ta’ Xbiex prattikament għalqu l-logħba b’erba’ gowls li bihom daħlu jistrieħu 10-4 minn fuq.
L-andament fiż-żewġ sessjonijiet sussegwenti naqas mhux ftit, b’Otters jippruvaw jagħmlu t-telfa rispettabbli. Ta’ Xbiex xorta baqgħu jikkontrollaw il-logħba u wara li fl-aħħar sessjoni kienu 14-6, gowls minn Chris Teuma u Aidan Falzon irnexxielhom jagħlqu ftit id-distakk finali.
Ta’ Xbiex: M. Vassallo, T. Gambin, M. Manara (1), L. Hyzler, B. Cachia (2), K. Mock (3), L. Galea (2), G. Blundell (2), E. Carabott (1), G. Sammut (1), K. Tanti (2), N. Saliba, L. Pace
Otters: K. Schembri, A. Magri (2), D. Dimech, C. Teuma (1), C. Bugeja (2), G. Mizzi, S. Dimech, K. Scicluna, E. Gravina, A. Falzon (1), G. Sammut, M. Sciberras (2)
Referees: Massimo Angileri, Neville Mercieca
Kampjonat Premier
Illum
Sirens v Valletta 6-2
Għada
Exiles v Sliema 4.15pm
San Ġiljan v Neptunes 5.30pm
Kif Jinsabu
L R D T F K Pti
San Ġiljan 4 4 0 0 39 19 12
Sirens 5 4 0 1 39 35 12
Sliema 4 2 0 2 33 29 6
Neptunes 4 2 0 2 36 33 6
Exiles 4 1 0 3 23 35 3
Valletta 5 0 0 5 20 39 0
Kampjonat tal-Ewwel Diviżjoni
Illum
Ta’ Xbiex v Otters 14-8
Għada
Marsaskala v Birżebbuġa 3.00pm
Kif Jinsabu
L R D T F K Pti
Birżebbuġa 4 4 0 0 48 21 12
Marsaskala 4 3 0 1 33 23 9
Ta’ Xbiex 5 2 0 3 44 38 6
Otters 5 0 0 5 26 69 0
