Mhux magħruf jekk hux qed issir inkjesta dwar dan il-każ
“Hemm bżonn inserħu rasna fuq it-teknika li qed tintuża fil-bini, jekk hux qed jiġu osservati r-regolamenti, u x’passi ttieħdu wara l-inċident ikrah tal-bieraħ”.
Hekk qalulna diversi residenti minn Marsaskala li tkellmu b’mod anonomi ma’ dan is-sit wara li lbieraħ ċedew numru ta’ gallarijiet f’binja li għadha qed titlesta fi Triq is-Silla Wied il-Għajn.
Uħud minn dawn li kkuntatjawna huma sinċerament inkwetati għaliex l-inċident seta’ kellu konsegwenzi ferm aktar gravi.
