B'din ir-rebħa komplew isaħħu t-tieni post
Manchester United irritornaw għar-rebħ wara li fil-Vitality Stadium għelbu lil Bournemouth 2-0. B’din ir-rebħa r-Red Devils jinsabu erba’ punti fuq Liverpool u sitt punti fuq Tottenham Hotspur fit-tieni post tal-klassifika.
It-tim ta’ Mourinho fetaħ l-iskor fit-28 minuta b’azzjoni tajba li fiha Ander Herrera għadda tajjeb lejn Jesse Lingard li krossja għan-nofs fejn kien pront Chris Smalling li daħal tajjeb biex kompla għal ġewwa. Manchester United irduppjaw fis-70 minuta b’azzjoni tajba ta’ Paul Pogba li baqa’ javvanza u għadda vertikalment lejn is-sostitut Romelu Lukaku li qabbeż fuq Asmir Begovic.
