Fil-jiem li għaddew, Fizzjali tad-Dwana stazzjonati fl-uffiċju tal-Posta, f’Ħal-Qormi, għamlu sejba goffa u fl-istess ħin rari.
Dan meta f’kaxxa indirizzata lil persuna barranija residenti Malta, l-uffiċjali sabu ġlud ta’ tliet annimali, żewġ orsijiet u qattusa salvaġġa magħrufa aħjar bħala Lynx. Il-kaxxa kienet ġejja mir-Russja.
Peress li l-importazzjoni ta’ dawn l-ġlud hija projbita u minħabba li l-ispeċi huma protetti mil-liġi tas-CITES, il-ġlud ġew ikkonfiskati filwaqt li ġew mgħarrfa b’din is-sejba uffiċjali tal-ERA.
Iktar investigazzjonijiet għadhom għaddejjin.
