Emma Muscat, il-kantanta Maltija li ta’ kuljum bosta Maltin u mhux biss qed isegwu l-avventura tagħha fil-programm ta’ talent mużikali Taljan ta’ Amici, ġibdet l-attenzjoni tar-record label ta’ fama mondjali Warner Music.
Filmat ippublikat fuq il-midja soċjali ta’ Facebook ġie mħabbar li s-sitt kontestanti li fadal fil-kompetizzjoni, lkoll kemm huma ġibdu l-interess ta’ record labels Taljani u mistennija jiltaqgħu ma’ rappreżentanti tagħhom fil-jiem li ġejjin.
Jidher ukoll li Biondo, il-kantant li seraq qalb il-Maltija, huwa l-aktar wieħed li s’issa kiseb suċċess hekk kif hemm xejn inqas minn 3 ‘case discografiche’ li qed juru interess fih.
