HIBERNIANS………………50
CAFFE MOAK LUXOL……47
(7-14, 6-14, 27-10, 10-9)
Hibernians: E. Micallef (8), E. Cassar, S. Gambino (8), S. Brincat (9), I. Agius (5), J. Abela, S. Abela (6), K. Caruana, N. Farrugia, R. Kahoe (10), M. Said (4), J. Scerri.
Luxol: S. Pace (13), N. Vella, I. Buena Melina, N. Vella, K. Portelli (3), L. Caruana Montaldo, M. Brown (16), C. Sollami (5), M. Darmanin (6), C. Curmi (4)
Referees: E. Mangani, N. Azzopardi, K. Dworniczak
Hibernians kisbu l-15-il titlu fl-istorja tagħhom wara li rebħu l-kampjonat MAPFRE MSV Life tan-nisa bir-rebħ tat-tielet play-off minn tliet logħbiet. B’hekk huma rebħu l-kampjonat wara li fl-aħħar erba’ staġuni, kienu Luxol li ħarġu rebbieħa.
Għal darba oħra, Luxol tilfu vantaġġ tajjeb u sfaw megħluba lejn it-tmiem. Din ġrat diversi drabi matul l-istaġun, bil-kawża prinċipali tkun in-nuqqas ta’ esperjenza ta’ diversi plejers tagħhom, minħabba li tilfu l-plejers mill-istaġun li għadda filwaqt li Christina Grima ma lagħbitx il-finali minħabba li weġġgħet.
Luxol bdew tajjeb u kisbu l-ewwel għaxar punti, iżda Hibernians bdew jaqsmu l-logħob u sa tmiem l-ewwel sessjoni d-distakk niżel għal seba’ punti. Il-vantaġġ ta’ Luxol irdoppja u kkontrollaw il-vantaġġ tagħhom biex daħlu jistrieħu 28-13 minn fuq.
Wara l-mistrieħ, Hibernians ħarġu aktar determinati u ħasdu lill-avversarji biex dawru r-riżultat u bdew l-aħħar sessjoni 40-38 minn fuq. Luxol reġgħu marru minn fuq 47-43 minn fuq, iżda baskets tal-Amerikana Kahoe wasslu biex resqu aktar qrib, b’Hibernians jirbħu lejn it-tmiem.
