Waqt l-ewwel semi finali tal-Eurovision Song Contest li saret illejla f’Lisbona fil-Portugall kienu 10 pajjiżi li kkwalifikaw għall-finali ta’ nhar is-Sibt waqt li 9 oħra ġew eliminati.
Il-Pajjiżi li kkwalifikaw huma (fl-ordni li tħabbru):
- L-Awstrija
- L-Estonja
- Ċipru
- Litwanja
- Iżrael
- ir-Repubblika Ċeka
- Bulgarija
- l-Albanija
- Il-Finlandja
- L-Irlanda
Dawn l-10 kanzunetti se jiżdiedu ma’ 10 kanzunetti oħra li jikkwalifikaw minn fost 18-il kanzunetta nhar il-Ħamis fit-tieni semi finali, serata li fiha se tieħu sehem Malta, permezz tal-kanzunetta ‘Taboo’ kantata minn Christabelle.
B’hekk dawn l-20 pajjiż li jikkwalifikaw jiżdiedu mal-“big five”, ġifiri Spanja, l-Italja, r-Renju Unit, Franza u l-Ġermanja kif ukoll mal-pajjiż li qed jorganizza l-Eurovision ta’ din is-sena, l-Portugall, u jieħdu sehem fil-finali ta’ nhar is-Sibt li ġej.
Segwi l-aħħar aġġornamenti minn Lisbona kuljum fit-8:30p.m. fuq Net Television.
