Filmat li ttella’ fuq il-midja soċjali jikxef lil raġel idaħħal idu f’bott tat-tips tal-impjegati ta’ stabbiliment ġdid li fetaħ f’Tas-Sliema. Dan billi ħataf l-okkażjoni li l-impjegata li kienet qed taqdieh tatu darha.
Iżda bħallikieku ma kienx biżżejjed li seraq il-flus tal-impjegati, flus li jaqilgħu bħala apprezzament ta’ xogħolhom, l-istess raġel bla mistħija ta’ xejn ħallas għal xi prodotti mill-istess flus li seraq.
U mhux biss. Wara li l-impjegata qdietu, ħa l-bqija, żammha u ħareġ ‘il barra.
