Minkejja l-interpretazzjoni mill-aqwa tal-kantanta Maltija Christabelle tal-kanzunetta ‘Taboo’ fit-tieni semi finali tal-Eurovision Song Contest, Malta ma għadditx għall-final ta’ nhar is-Sibt li ġej.
Kienu għexieren li faħħru l-interpretazzjoni ta’ Christabelle u kien hemm tama qawwija li Malta tikseb post fil-finali wara li s-sena li għaddiet ukoll Malta ma għadditx għall-finali.
Il-pajjiżi li għaddew għall-finali huma:
- In-Norveġja
- L-Ukrajna
- L-Olanda
- Żvezja
- Slovenja
- Serbja
- Moldova
- Danimarka
- Awstralja
- Ungerija
Dawn jiżdiedu mal-10 pajjiżi li kkwalifikaw fl-ewwel semi finali u mal-‘big five’ kif ukoll il-Portugall li qed jospitaw din l-edizzjoni tal-Eurovision fil-finali ta’ nhar is-Sibt.
Ara filmati esklussivi mill-Press centre waqt li kien qed jitħabbar ir-riżultat bi preżentazzjoni ta’ Peter Carbonaro.
Ara l-interpretazzjoni ta’ Christabelle waqt is-semi finali f’dan il-link.
