L-eks manager ta’ Manchester United, Sir Alex Ferguson ħareġ mit-taqsima tal-kura intensiva matul il-lejl li għadda. Ferguson kien iddaħħal b’urġenza l-isptar is-Sibt li għadda fejn saritlu operazjoni b’urġenza minħabba li sofra emorraġija f’moħħu. L-Iskoċċiż, li għandu 76 sena ser ikun qed ikompli jirkupra tiegħu pazjent f’ Salford Royal Hospital.
Hu rrappurtat li fost l-ewwel kliem li qal, Ferguson staqsa kemm spiċċaw Doncaster Rovers, it-tim li t-tifel tiegħu Darren hu kowċ tagħhom. L-Iskoċċiż staqsa wkoll jekk hux se jkun jista’ jattendi għall-finali taċ-Champions League fis-26 ta’ Mejju
Fi stqarrija, Manchester United ikkonfermaw l-aħbar. Il-klabb qal li l-familja kienet sorpriża ħafna bil-livell ta’ sapport u l-awguri, iżda talbu għall-privatezza f’dan il-mument importanti tar-rijabilitazzjoni.
