Parità fil-ġurija ma' Carmen
Il-kantanta Maltija, Emma Muscat, żammet postha fil-kompetizzjoni tal-programm Amici fuq Canale 5 is-Sibt filgħaxija.
Wara ġimgħa ta’ taqtiegħ il-qalb biex fejn suppost fil-programm tal-lejla kellhom jiġu eliminati Emma jew Carmen, ħadd minnhom ma ġie eliminat grazzi għall-parità fil-voti tal-ġurija taż-żfin u l-kant.
Fl-isfida tas-Sibt, Emma kantat diversi kanzunetti fosthom dwett mal-kantanta popolari Taljana Arisa, wara li ġiet sfidata minn Rudi, wieħed mill-għalliema ta’ Amici, il-ġimgħa l-oħra.
