Tensjoni mdemmija fir-reġjun ta' Gaza
Fil-jum li fih infetħet l-ambaxxata Amerikana f’Ġerusalemm, kienu eluf il-Palestinjani li ħarġu f’manifestazzjonijiet f’Gaza.
F’konfront mas-suldati Iżraeljani, kważi 2,000 ruħ spiċċaw feruti. Il-media internazzjonali qed tirrapporta li fil-ġlied inqatlu aktar minn 40 Palestinjan.
Illum l-Iżrealjani qed jiċċelebraw is-70 sena mit-twaqqif tal-istat tagħhom. Ġurnalisti li jinsabu tul il-fruntiera qed jirrappurtaw li s-sitwazzjoni wara l-irvellijiet ta’ dalgħodu hi waħda tal-biża’, b’xeni ta’ dmija u nies mitluqin mal-art feruti gravi.
Diversi ngo’s ikkundannaw b’mod qawwi r-ritaljazzjoni ta’ Iżrael.
Il-Gvern Lebaniż min-naħa qal li l-mossa tal-ambaxxata kienet biss “provokazzjoni”.
