L-esperjenza ta’ Sam Allardyce bħala manager ta’ Everton damet biss sitt xhur wara li ċ-chairman Farhad Moshiri ltaqa’ mal-manager Ingliż u nfurmah bid-deċiżjoni. Id-deċiżjoni ttieħdet f’laqgħa tal-bord tal-klabb ilbieraħ.
Allardyce se jitħallas il-maġġoranza tas-sena kuntratt li kien fadallu li jħallaq kważi €7 miljuni. Il-manager ta’ 63 sena mexxa lil Everton għat-tmiem post fil-Premier League, b’żewġ telfiet biss fl-aħħar disa’ logħbiet.
It-Tnejn li għadda, Sam Allardyce kien qal li hu xogħlu li jdawwar l-affarijiet u jġib riżultati aħjar għal Everton bi plejers aħjar. Hu qal ukoll li l-partitarji jieħdu pjaċir ftit aktar milli qed jieħdu fil-mument.
Fost il-favoriti biex jieħu post Allardyce, jidher li hemm l-eks manager ta’ Watford Marco Silva. Everton kienu pruvaw jieħdu lil Silva f’Goodison Park f’Novembru li għadda meta l-Portugiż kien għadu ma’ Watford. It-Toffees kienu offrew kważi €14-il miljun bħala kumpens għal Silva iżda xorta ma rnexxielhomx jakkwistawh mingħand Watford.
Silva xtaq imur ma’ Everton iżda Watford irrifjutaw li jħalluh jitkellem ma’ Everton. Sussegwentament, Silva tkeċċa f’Jannar wara rebħa minn 11-il logħba. Watford kienu għamlu ilment uffiċjali mal-Premier League.
