Ranieri ngħaqad ma' Nantes fil-bidu ta' dan l-istaġun
Il-kowċ Taljan Claudio Ranieri se jħalli lil Nantes fi tmiem l-istaġun wara li l-klabb tal-Ligue 1 ikkonferma dan fi stqarrija.
“Il-klabb u l-kowċ iddeċidew li jtemmu r-relazjoni ma’ xulxin bi qbil reċiproku. Aħna nirringrazzjaw lil Claudio Ranieri u l-istaff tiegħu tax-xogħol li għamlu matul l-istaġun,” qal il-President tal-klabb Waldemar Kita fi stqarrija.
Ranieri hu kowċ ta’ esperjenza fejn mexxa diversi klabb fosthom Chelsea, Juventus, Roma u Valencia, iżda bla dubju li l-akbar kisba fil-karriera tiegħu kienet ir-rebħ tal-Premier League ma’ Leicester fl-istaġun 2015/2016.
Hu ngħaqad ma’ Nantes fil-bidu ta’ dan l-istaġun, bit-tim jinsab fl-10 post b’logħba għal tmiem il-kampjonat.
