Elina Svitolina rebħet l-Open tal-Italja għat-tieni sena konsekuttiva, b’rebħa dominanti ta’ 6-0, 6-4 fuq is-sid numru wieħed Simona Halep. L-Ukrena ddominat mill-bidu u rebħet l-ewwel set mingħajr ma tilfet logħba f’19-il minuta biss. Halep li għandha 26 sena, tjiebet ftit fit-tieni set, iżda Svitolina ta’ 23 sena, baqgħet pass qabel Halep biex kisbet rebħa komda.
Halep li kellha time-out mediku fit-tieni set, kienet set u 5-1 minn taħt kontra Svitolina fl-Open ta’ Franza ta’ sena ilu, iżda din id-darba ma rnexxiliex tirkupra. “Hu sabiħ li stajt niġi hawn u niddefendi t-titlu li rbaħt is-sena l-oħra. Hi xi ħaġa speċjali ħafna għalija.”
Din ir-rebħa, se sservi ta’ stimolu għal Svitolina għat-tournament ta’ Roland Garros li jibda fis-27 ta’ Mejju. “Se nipprova nieħu logħba logħba, għaliex hu Grand Slam importanti ħafna.” Svitolina kompliet li hu tournament makakk iżda qalet li definittivament se tieħu pjaċir tilgħab f’dan it-tournament ta’ prestiġju.
