Milan jinsabu f’riskju li jkunu s-17-il –klabb li ma jitħallewx jikkompetu f’kompetizzjonijiet tal-UEFA wara li naqqsu milli jirrispettaw ir-regoli tal-Financial Fair Play. Dan għaliex il-Board tal-UEFA li jitratta l-kontroll tal-finanzi tal-klabbs għadu mhux konvint bil-pjan li kien ippreżenta l-klabb dwar il-finanzjament tiegħu għas-snin li ġejjin.
Jekk il-UEFA eventwalment iħallu lil Milan jikkompetu fl-Europa League xorta waħda jistgħu jagħżlu li minflok iuthom multa, iċaħħduhom milli jakkwistaw plejers ġodda jew inkella jordnawlhom biex jirreġistraw numru ristrett ta’ plejers fil-kompetizzjonijiet Ewropej.
Jekk jiġu sospiżi mill-kompetizzjonijiet jistgħu jirrikorru għall-Qorti tal-Arbitraġġ Sportiv fejn hemm tittieħed deċiżjoni finali.
