Ħadd ma weġġa’ f’nirien li ħakmu maħżen tal-ħwejjeġ f’Raħal Ġdid.
Il-każ seħħ għall-ħabta tal-4am fi Triq Ninu Cremona.
Mhux magħruf x’wassal għal dawn in-nirien, hekk kif dak il-ħin ħadd ma kien fil-post.
Fil-post issejħu l-Pulizija, bin-nirien kienu kkontrollati minn membri mid-Dipartiment tal-Protezzjoni Ċivili.
Aktar investigazzjonijiet tal-Pulizija għadhom għaddejjin.
