Futbol Sport

TRASFERIMENTI: Iniesta jmur jilgħab il-Ġappun

Iniesta (lemin) bil-flokk tal-klabb ġdid tiegħu

Il-midfielder Andres Iniesta, li għadu kemm temm il-karriera tiegħu ma’ Barcelona, ngħaqad mat-tim Ġappuniż ta’ Vissel Kobe, tim li hu propjetà ta’ sieħbu Hiroshi Mikitani.

Fi tmiem il-ġimgħa Iniesta ħalla lil Barcelona wara 22 sena u issa ffirma kuntratt ta’ tliet snin mat-tim ta’ Mikitani li jiġi President tal-kumpanija Rakuten, l-isponsor uffiċjali ta’ Barcelona. Iniesta se jilgħab bin-numru tmienja.

Filwaqt li issa Iniesta se jkun qed iħejji biex jilgħab mal-klabb il-ġdid tiegħu l-ewwel se jkun qed jieħu sehem ma’ Spanja fit-Tazza tad-Dinja.