Il-kowċ il-ġdid tat-tim nazzjonali Ray Farrugia sejjaħ skwadra finali ta’ 23 plejer għall-kamp ta’ taħriġ tat-tim nazzjonali. Fost il-plejers fl-iskwadra jispikkaw sitt plejers li bħalissa jiffurmaw parti mill-iskwadra ta’ taħt il-21 sena.
It-tim nazzjonali Malti għandu fih element ta’ plejers ta’ esperjenza u oħrajn, flimkien ma’ plejers oħra ġodda li ssejħu biex ikunu l-futur tat-tim nazzjonali Malti.
It-tim nazzjonali li lbieraħ ħalla Malta hu komplut bl-istaff tekniku kollu li għandu Farrugia miegħu; Branko Nisevic u Ronald Vella bħala l-assistant kowċis, Charles Sciberras, il-gowlkiper-kowċ, u Luca Pagani, il-preparatur fiżiku.
Aħbar ħażina għat-tim hi li erba’ plejers weġġgħu u b’hekk mhux se jkunu preżenti fl-Awstrija. Dawn huma Andre Schembri, Zach Muscat, Bjorn Kristensen, Johann Bezzina, Jean Paul Farrugia u Cain Attard. Rowen Muscat ġie eskluż mit-tim minħabba raġunijiet dixxipplinarji.
Ta’ min jinnota li fl-iskwadra hemm żewġ plejers Għawdxin, il-gowlkiper Steve Sultana u Ferdinando Apap.
Dan il-kamp ta’ taħriġ qed isir bil-għan li t-tim iħejji għall-partiti tal-UEFA Nations League li jibdew f’Settembru li ġej. Fil-UEFA Nations League Malta tilgħab kontra l-Ażerbajġan, il-Gżejjer Faroe u l-Kosovo.
Waqt il-kamp ta’ taħriġ Malta se tilgħab żewġ partiti ta’ ħbiberija, waħda kontra l-Armenja u l-oħra kontra Ġorġja.
Il-partiti li se jilagħbu Malta se jservu bħala preparazzjoni għall-partiti aktar importanti li se jsiru iktar tard din is-sena.
L-iskwadra
Gowlkipers: Henry Bonello (Valletta); Andrew Hogg (Hibernians); Steve Sultana (Ħamrun Spartans).
Difensuri: Andrei Agius (Hibernians); Ferdinando Apap (Victoria Hotspurs); Steve Borg (Valletta); Ryan Camilleri (Valletta); Michael Johnson (Balzan); Jurgen Pisani (Floriana); Joseph Zerafa (Valletta).
Midfielders: Myles Beerman (Glasgow Rangers); Roderick Briffa (Gżira United); Paul Fenech (Balzan); Luke Gambin (Luton Town); Jake Grech (Birkirkara); Joseph Mbong (Hibernians); Stephen Pisani (Floriana); Dunstan Vella (Hibernians).
Attakkanti: Andrew Cohen (Gżira United); Jurgen Degabriele (Hibernians); Alfred Effiong (Balzan); Michael Mifsud (Valletta); Kyrian Nwoko (Valletta).
