Nhar il-Ħadd, fl-Istadium taċ-Ċentinarju ntlagħbet partita ta’ ħbiberija bejn Glorie Viola u Malta Masters, logħba li ċċelebrat il-50 sena anniversarju mit-twaqqif ta’ Viola Club Malta. Fil-partita ħadu sehem eksplejers ta’ Fiorentina u eksplejers tat-tim nazzjonali Malti.
Fost il-plejers li lagħbu ma’ Fiorentina u ħadu sehem fil-logħba kien hemm Giancarlo Antognoni, plejer li rebaħ it-Tazza tad-Dinja tal-1982 mal-Italja, kif ukoll Luis Oliveira li kellu passat anke f’pajjiżna bħala kowċ meta mexxa lit-tim ta’ Floriana.
Glorie Viola rebħu bi skor ta’ 5-2 bil-gowls tagħhom ikunu skurjati minn Marco Nappi, Luis Oliveira u Aldo Firicano. Masters Malta skurjaw permezz ta’ Carmel Busutill u penalty ta’ Joe Zarb. Id-dħul tal-partita mar kollu għall-Fondazzjoni Puttinu Cares.
