"Wasalt s'hawn, u issa ma jimpurtanix"
Tikber it-tensjoni bejn Carmen u Emma, l-akbar żewġ sfidanti tal-programm Amici, hekk kif it-Taljana qed tgħid li Emma Muscat hi beżżiegħa u ma titkellimx quddiem il-kameras.
Waqt li din il-ġimgħa komplew jippreparaw għall-programm tal-weekend, Carmen qalet li hi ovja li Emma ħelwa u brava. “Imma trid trabbi l-kuraġġ u tgħid xi jdejjaqha fija”, qalet il-kantanta Taljana.
Emma u Carmen ilhom sa mill-bidu nett fiċ-ċentru ta’ diversi battibekki, bit-telespettaturi Maltin jinvadu Facebook bil-kummenti tagħhom b’appoġġ għall-kantanta Maltija.
