Il-gowl spettakolari li kien skurja l-plejer ta’ Real Madrid, Cristiano Ronaldo, f’April li għadda fl-ewwel leg tal-kwarti tal-finali kontra Juventus ġie maġħżul bħala l-aqwa gowl tal-istaġun fl-edizzjoni ta’ din is-sena taċ-Champions League.
Dakinhar Real kienu rebħu 3-1 f’Turin u eventwalment eliminaw lil Juventus mill-kompetizzjoni.
It-tieni l-isbaħ gowl tal-kompetizzjoni kien dak ta’ Gareth Bale li nhar is-Sibt li għadda fil-finali bejn Real Madrid u Liverpool skurja gowl ferm simili għal dak ta’ Ronaldo biex poġġa lil Real fil-vantaġġ u dawn baqgħu sejrin biex rebħu t-tazza.
Il-gowl tal-attakkant ta’ Juventus Gonzalo Higuain kontra Tottenham ġie magħżul bħala t-tielet l-aqwa gowl.
