Is-Solidarjetà Ħaddiema Partit Nazzjonalista (SĦPN) fi stqarrija esprimiet solidarjetà mal-carers kollha b’mod speċjali dawk li jaħdmu f’San Vinċenz De Paule kif ukoll fil-kura primarja. Wara laqgħat mal-carersu r-rappreżentanti tagħhom, l-SĦPN qed tifhem aħjar is-sagrifiċċji li jagħmlu u t-trattament negattiv li qed isofru minħabba l-fehma politika tagħhom.
L-SĦPN hija infurmata li ħaddiema qrib tal-Partit Laburista jingħataw xogħlijiet komdi fid-day centres filwaqt li carers oħrajn iridu jikkumpensaw għal dawn l-ħaddiema sabiex jipprovdu trattament adegwat lill-pazjenti.
Il-carers mhux qed jiġu stmati u f’każijiet qed jispiċċaw demotivati u dan qed iwassal biex inqas nies jagħżlu li jidħlu għal din il-professjoni.
Din is-sitwazzjoni bla meritokrazija wasslet sabiex il-Gvern kellu jdur għall-ħaddiema barranin, b’kundizzjonijiet ħżiena, li ma jikkomunikawx bil-Malti u għalhekk carersMaltin ikollhom jitilqu minn idejhom biex jgħinu l-pazjenti huma.
L-SĦPN qed tistaqsi għalfejn il-ħaddiema barranin m’għandhomx l-istess kundizzjonijiet u jekk din hix deċiżjoni maħsuba biex il-ħaddiema Maltin jispiċċaw b’kundizzjonijiet li jkunu agħar milli għandhom. L-SĦPN tistaqsi wkoll għalfejn il-ħaddiema barranin, li jaħdmu direttament mal-pazjenti mhux qed jingħataw l-istess bonus u jekk din hix manuvra oħra orkestrata biex il-ħaddiema Maltin jitneħħielhom dan il-bonus. L-SĦPN trid li l-gradi kollha tal-carersli jagħmlu l-istess xogħol jitħallsu l-istess.
Sitwazzjonijiet oħra li jinvolvu l-carers hija dik tas-support staff carers f’Għawdex li jaħdmu bħal sħabhom il-Maltin iżda ma mhux jingħataw l-istess insurance u allowances. L-SĦPN turi wkoll solidarjetà mal-carers fil-primary health, fejn ħaddiema li għandhom il-mertu jintgħażlu għall-Health Center ġdid f’Ħal-Kirkop, intagħżlu fl-uniku customer care sectionli teżisti f’health center dak ta’ Raħal Gdid, li kumbinazzjoni huwa d-distrett tal-Viċi Prim Ministru.
L-SĦPN infurmata li normalment l-ewwel postijiet jingħataw lill-carers li diġà jaħdmu f’health centers oħra. Għalhekk tistaqsi għalfejn health centersoħrajn m’għandhomx customer care. L-SĦPN trid tara li dawk li għandhom dritt għal promozzjoni f’health center ġdid jingħataw din l-opportunità, filwaqt li l-carersjingħataw it-trattament, paga u kundizzjonijiet li jixriqilhom.
