L-eksplejer u captain ta’ Chelsea Frank Lampard inħatar bħala manager tat-tim ta’ The Championship Derby County. Hu ffirma kuntratt ta’ tliet snin u għalih din se tkun l-ewwel esperjenza tiegħu bħala kowċ. Lampard se jkun is-seba’ kowċ ta’ Derby f’dawn l-aħħar tliet snin.
Hu se jkun qed jieħu post Gary Rowett li ħalla lit-tim biex jibda jmexxi lil Stoke, tim ieħor ta’ The Championship.
Fl-istaġun li għadda Derby County kienu spiċċaw fis-sitt post imma tilfu fis-semifinali tal-playoffs kontra Fulham.
