Nhar il-Ħamis, il-Malta Amateur Athletics Association ħabbret l-ismijiet ta’ 11-il atleta li se jkunu qed jikkompetu f’isem Malta waqt l-edizzjoni ta’ din is-sena tal-Kampjonat tal-Pajjiżi Żgħar f’Liechtenstein.
Dan il-kampjonat isir fuq ġurnata u din is-sena l-kompetizzjoni se ssir fid-9 ta Ġunju.
It-tħabbira tal-atleti saret fil-preżenza ta’ Svein Arne Hansen, President tal-European Athletics li kien f’Malta sabiex jagħti l-appoġġ tiegħu lill-MAAA dwar żewġ proġetti li bħalissa l-Assoċjazzjoni Maltija qed taħdem fuqhom fosthom l-investiment ta’ ‘High Performance Training Centre’ fil-Marsa utitjieb tat-trakka tal-Matthew Micallef St John Athletics Stadium.
Waqt il-konferenza tal-aħbarijiet kien hemm anke ż-żewġ atleti Maltin Ian Paul Grech u Rachel Fitz.
L-atleti li se jirrappreżentaw lil Malta huma:
Luke Bezzina (100m), Andrew Cassar Torreggiani (Long Jump), Reece Dimech (200m, 400m), Paul Ian Grech (Long Jump), Claire Azzopardi (Long Jump), Rachel Fitz (100m, 200m, Relay), Janet Richard (400m), Rebecca Sare (Long Jump), Charlotte Wingfield (100m, 200m, Relay), Sarah Busuttil (Relay) u Ylenia Pace (Relay).
Dawn kollha laħqu l-Entry Standards tal-European Athletics.
Żewġ atleti oħra, Bradley Mifsud (200m u Javelin) u Luke Farrugia (Discus) se jieħdu sehem fil-Kampjonat tal-Mediterran għal atleti ta’ taħt it-23 sena li se jsiru f’Jesolo l-Italia u żewġ atleti oħra, Lisa Marie Bezzina u Charlton Debono se jieħdu sehem fil-Logħob tal-Mediterran f’Tarragona fi Spanja.
Minn naħa tiegħu Sven Arne Hansen ammira l-mod kif titmexxa l-atletika f’pajjizna meta l-qafas huwa dak tal-volontarjat
