Futbol Sport

Futbol lokali: Tedesco ma’ Ħamrun u Mansueto ma’ Gudja

Ħamrun ħatru lil Giovanni Tedesco bħala l-kowċ ġdid tagħhom

Josef Mansueto inħatar bħala kowċ ta’ Gudja filwaqt li Giovanni Tedesco se jibda jmexxi lil Ħamrun Spartans.

Mansueto iffirma l-kuntratt fil-preżenza tal-President tal-klabb, Duncan Borg Myatt u l-assistant kowċ il-ġdid tat-tim, Thane Micallef. Dan tal-ahhar hu eksplejer ta’ diversi klabbs fosthom Floriana, fil-livell taż-żgħar u Gzira United. Aktar riċenti Micallef kien kowċ tat-tim ta’ taħt i17-il sena ta’ Birkirkara.

Mansueto, li issa hu l-kowċ il-ġdid tat-tim fl-Ewwel Diviżjoni kien l-aħħar ma’ Hibernians bħala assistant ta’ Mark Miller.

Ħamrun ħatru lil Giovanni Tedesco bħala l-kowċ ġdid tagħhom u għal Tedesco Ħamrun se jkunu t-tielet klabb Malti li se jkun qed imexxi wara esperjenzi ma’ Floriana u Birkirkara.