Żewġ persuni weġġgħu wara li kienu involuti f’inċident tat-traffiku fi Triq Ħaż-Żabbar, il-Fgura. L-inċident seħħ għall-ħabta tad-9.10am u ħoloq konġestjoni kbira ta’ traffiku fit-triq prinċipali tal-Fgura.
L-impatt seħħ bejn karrozza tat-tip Toyota Starlet, misjuqa minn anzjan mill-Fgura ta’ 75 sena, u mutur, misjuq minn raġel Pawlist ta’ 33 sena.
Jidher li s-sewwieq tal-mutur u l-passiġġiera, mara minn Marsaskala ta’ 44 sena, sofrew xi ġrieħi u ttieħdu mal-ewwel lejn l-isptar Mater Dei għall-kura.
S’issa għadha mhix magħrufa l-kundizzjoni tal-persuni.
