Madison Keys għaddiet għall-kwarti tal-finali għall-ewwel darba b’rebħa ta’ 6-1, 6-4 fuq ir-Rumena Mihaela Buzarnescu. Is-sid numru 13 li kienet finalista tal-Open tal-Istati Uniti s-sena l-oħra, kisret is-service fit-tieni u s-sitt logħba biex rebħet l-ewwel set b’forehand b’saħħtu. Hi għalqet il-logħba b’ace fit-tielet match point tagħha.
“Ninsab eċċitata li se nkun fl-ewwel kwarti tal-finali f’Pariġi. Tlift kontra l-ħabiba tiegħi Sloane fl-Open tal-Istati Uniti s-sena l-oħra imma nittama għal affarijiet kbar hawn,” qalet Keys.
Keys se tilgħab kontra Yulia Putinseva wara li hi għelbet lil Barbora Strycova 6-4, 6-3. Sloane Stephens għelbet lil Anett Kontaveit 6-2, 6-0 biex potenzjalment tista’ tiltaqa’ kontra Keys fis-semifinali, b’Stephens kienet ħarġet rebbieħa fi Flushing Meadows.
