– Toni Bezzina, PN
Fid-dibattitu parlamentari dwar il-Korporazzjoni għas-Servizzi tal-Ilma (WSC), id-deputat Nazzjonalista Toni Bezzina tkellem dwar in-new water u qal li dan hu sors ġdid li se jagħmel differenza importanti għall-bdiewa.
Hu semma’ l-investimenti li għamlu l-bdiewa tul is-snin u qal li n-new water għandu jintlaħaq mill-bdiewa kollha. Importanti li jitnaqqsu l-ispejjeż għall-bdiewa, sostna Toni Bezzina, li appella biex ikunu pprovduti bowsers biex jitwassal l-ilma li ma jasalx għandhom bin-network.
Id-deputat Nazzjonalista qal li ċertu ilma f’toroq rurali għandhom isiru mill-WSC biex l-ilma jinġabar, ma jintilifx u jispiċċa fil-baħar. Dan hu ta’ gwadann għall-WSC.
Hu tkellem dwar il-kontijiet tad-dawl u l-ilma u appella lill-gvern biex l-avviż legali li ħarġet ikun jirrifletti l-kontijiet. Hawn familji li huma batuti u mhux ġust li jkun hemm ammonti li suppost ma tħallsux għax mhux dovuti; dawn għandhom jingħataw lura lill-konsumaturi.
Id-deputat Nazzjonalista qal li hu ttamat li, bit-twaqqif tal-Aġenzija, jibdew jinbidlu l-mains għalkemm dan ilu jsir għal 15-il sena fejn ikunu se jsiru toroq ġodda. Hu ttamat biss li fejn hemm bżonn, l-aġenza l-ġdida jibqgħu jinbidlu s-servizzi tal-ilma. Għandha tkompli titħaddem ukoll is-sistema ta’ dual main, sostna Toni Bezzina.
