Il-klabb tal-Ewwel Diviżjoni Marsaskala Transcripta kkonferma lil Andrija Vlahovic bħala l-barrani tiegħu għal dan l-istaġun. It-tim immexxi għal sena oħra minn Pierre Borg ikun fl-azzjoni fl-ewwel partita tal-kampjonat l-Erbgħa 13 ta’ Ġunju fil-5.30pm kontra Birżebbuġa.
Din mhux se tkun l-ewwel esperjenza għal Vlahovic f’pajjiżna hekk kif l-istaġun li għadda lagħab mal-istess tim fejn kien strumentali għall-istaġun li kellhom Marsaskala, kampjonat li fih spiċċaw fit-tieni post. L-istaġun li għadda, il-Kroat ta’ 26 sena kien spiċċa bħala l-aqwa skorer tal-Ewwel Diviżjoni flimkien ma’ Marko Jelaka b’50 gowl.
