Kylian Mbappe wera l-kwalità tiegħu għal darba oħra meta salva r-riżultat fi draw ta’ 1-1 li Franza kellhom kontra l-Istati Uniti fl-aħħar partita ta’ ħbiberija qabel it-Tazza tad-Dinja. Mbappe li kien theddida kontinwa, sab ix-xibka fl-aħħar stadji tal-logħba biex wieġeb għall-gowl tal-Istati Uniti skorjat minn Julian Green fl-ewwel taqsima.
L-attakkant ta’ PSG kien preċiż fit-78 minuta meta rċieva minn kross perfett ta’ Benjamin Pavard u għeleb lil Zack Steffen. Għat-tim ta’ Deschamps ħallew impressjoni tajba Pavard kif ukoll Lucas Hernandez, bid-difensuri laterali Djibril Sidibe u Benjamin Mendy jonqsu li jimpressjonaw, fejn qed jirriskjaw li jistgħu jitilfu posthom.
Franza tibda l-impenji tagħha minn Grupp Ċ kontra l-Awstralja qabel ma tilgħab kontra l-Perù u d-Danimarka.
F’partita ta’ ħbiberija oħra, Spanja għelbet lit-Tuneżija 1-0 b’gowl skorjat fil-85 minuta minn Iago Aspas. Is-Serbja preparat tajjeb għat-Tazza tad-Dinja b’rebħa ta’ 5-1 fuq il-Bolivja. Il-gowls kienu skorjati minn tripletta ta’ Aleksandar Mitrovic, Adam Ljajic u Branislav Ivanovic.
Partiti ta’ ħbiberija
Latvja v Ażerbajġan 1-3
Ungerija v Awstralja 1-2
Estonja v Marokk 1-3
Finlandja v Belarus 2-0
Serbja v Bolivja 5-1
Żvezja v Perù 0-0
Danimarka v Messiku 2-0
Tuneżija v Spanja 0-1
Franza v Stati Uniti 1-1
Għada
Awstrija v Brażil 4.00pm
